Este pasado martes, 15 de maio, os amigos Suso Díaz e Maripaz Paz, desde Radio Fórum de Mérida e no seo do programa dedicado á poesía «La Voz en Espiral» centraron a última metade do programa, como era de regra, en Valentín Paz Andrade. Aí dialogamos, nesta ocasión en galego, sobre o seu perfil biográfico, leuse algún poema e mais falamos sobre ese libro acabado de aparecer, Poesía completa, da man de Xerais e do profesor Gregorio Ferreiro Fente, que redimensiona a faceta creativa do escritor do Lérez. Deixo aquí o programa para quen lle interese. Feliz, e reivindicativo, Día das Letras.
