Adela Turín (texto), Nella Bosnia (ilustracións) e Eva Almazán (tradución)
Artur e Clementina
Kalandraka, Pontevedra, 40 páxinas, 15 €, 2012.
No ano 1976 Adela Turín comezou a publicar, en Italia, a serie «Dalla parte delle bambine» e axiña se converteu nunha colección de carácter referencial polos seus contidos a prol da coeducación e mais da igualdade. A data de hoxe resulta inexcusable afirmar que estas propostas seguen a ser extraordinariamente operativas para avanzar neste camiño.
A prosa de Turín, en aparencia sinxela porque se estrulla en si mesma até se converter nun discurso exposto coa precisa axilidade e claridade expositiva, adopta a fórmula da fábula para evidenciar, sutil e certeiramente, a discriminación sexual e a existencia de estereotipos sexuais, antes e agora.
O interese desta espléndida proposta, na que non pouco que teñen que ver as ilustracións de Nella Bosnia, introducindo aos poucos reflexións sobre conceptos e realidades como o desprezo, a culpabilidade ou a resignación, xunto coa acaída resolución do conflito: fuxir e emprender unha nova vida, fan deste Artur e Clementina un volume de lectura moi aconsellable.
Pingback: Letras galegas en Qué leer nº 178 (Unha de lecturas do verán) | Caderno da crítica
Pingback: Rosa Caramelo, de Adela Turín e Nella Bosnia | Caderno da crítica