Category Archives: Convocatoria

Hoxe, día 12 do 12 do 2012, é un día importante neste Ano do Centenario de Celso Emilio Ferreiro…, engadiría que moi importante. Velaquí esta iniciativa, inédita e destinada a obter un éxito esmagador, organizada pola Coordinadora Galega de ENDL e que propón para esta xornada a lectura dun poema, detrás da que hai xa máis de 200 centros de ensino, entidades culturais e doutro tipo xa comprometidas coa proposta. Serán  máis de 30.000 voces declamando un poema que é máis que  un poema: ese «Deitado frente ao mar» que tantas significados, aínda hoxe, encerra.

     Por iso penso na «Espranza», como escribía Celso Emilio, que ostentan tantos «tripulantes insomnes» que levan «a luz polos vieiros» da razón e da emoción. Beizón.

      Cousas así convidan a pensar en clave optimista como transmite esta curta que atopei na rede. Nos tempos de vídeo-cámaras en todos os espazos as gravacións que nelas se poden atopar tamén son quen de transmitir a devandita «espranza», moito máis se se acompañan do «Give A Little Bit» dos meus queridos Supertramp, malia que -sempre hai algunha pexa- o anunciante sexa unha marca comercial para min ben pouco simpática…, mais o vídeo paga a pena.