Category Archives: Música

Eno sagrado en Vigo

Enviado o 4 Febreiro 2012

Vía Trafegando ronseis

Chuzame! A Facebook A Twitter
Na categoría Música, Video | Coas etiquetas , , | Leave a comment

«Eiquí será» de Celso Emilio Ferreiro, na Antología de Gómez Naharro (Novas CEF IX)

Enviado o 27 Xaneiro 2012

Miguel Ángel Gómez Naharro

Antología. Poesía vernácula musicalizada de la Península Ibérica

Asemblea de Extemadura, Mérida, 129 páxinas + CD, 10 €

 

Este pasado nadal uns amigos deixaron nas miñas mans un libro do que non tiven ocasión de dar conta ata agora. Trátase dunha antoloxía poética que recolle composicións musicadas de diversos autores peninsulares, seleccionada e musicada nun cedé que se anexa ao libro e que vén da man do cantautor extremeño Miguel Ángel Gómez Naharro. O volume, excelentemente editado pola Asamblea de Extremadura e que pode lerse premendo aquí, incorpora asemade un importante traballo plástico da man dun heteroxéneo grupo de pintores e fotógrafos.

     O volume articúlase como unha consecuencia de cinco discos anteriores gravados por Gómez Naharro e que, afortunadamente, entendo como unha volta a ese espírito de concordia e harmonía que debería reinar diante do patrimonio cultural e lingüístico peninsular, unha postura que se foi esfarelando e desatendendo cada vez máis. Ademais do indubidable valor musical que encerra este libro-disco, quen se achegue a esta proposta atopará, interpretadas con sentimento e acerto, cancións tradicionais como «¡Ay Carmela» ou «Bella ciao», xunto con versos de Ausias March, Quevedo, Aresti, Espriu, Luis Filipe Maçarico, Pessoa ou, por suposto, Celso Emilio Ferreiro, de quen se musicaliza o poema «Eiquí será» que deixo aquí abaixo. Parabéns, sen dúbida, por este libro que moito agradezo ter podido acceder a el.

 

Chuzame! A Facebook A Twitter
Na categoría Celso Emilio Ferreiro, Música, Poesía | Coas etiquetas , , , | 2 Comentarios

Novas CEF: Labregos do Tempo dos Sputniks (V)

Enviado o 21 Xaneiro 2012

Labregos do Tempo dos Sputniks é unha formación composta por García MC, O Leo e mais Silverio Outeiro, que acompañou a presentación do Caderno monográfico arraiano Celso Emilio fai 100 anos tanto na Casa dos Poetas de Celanova o pasado día 7 de xaneiro como uns días despois na libraría viguesa Librouro.  Deixo aquí  o video dunha das dúas pezas que interpretaron en Celanova, as célebres «Notas necrolóxicas» de Celso Emilio, ao que se ve exhibindo a mesma potencia e forza que en Vigo.  O monográfico, por certo, inclúe un «Single labrego», co poema «O Reinado» gravado en estudio, que non se pode perder (foto dos Labregos: Lucía Mallo).

Chuzame! A Facebook A Twitter
Na categoría Celso Emilio Ferreiro, Música, Noticia, Video | Coas etiquetas , , , , | Leave a comment

Eladio y los seres queridos: «El tiempo futuro» (Vigo e o que está por vir)

Enviado o 23 Xuño 2011

Non adoito ocuparme aquí de asuntos fóra do que teñen que ver con libros e lecturas pero non resisto a tentación de compartir desde aquí este vídeo que coñecín vía Fran Lorenzo e Óscar Fontán en Facebook. As miñas grazas a eles pola descuberta de Eladio y los seres queridos, da canción e, para min, desta visión deslumbrante, intensa e un tanto sorprendente que se espella neste vídeo protagonizado pola cidade de Vigo. A carón da canción, o extraordinario traballo visual perfila ángulos que nos rodean acotío e que, talvez, non somos quen  de velos. Poida que aí se encerre o futuro e a «loucura que nos mantén»: as sirenas mesturadas co cheire a leña, a inxenuidade, esa tendencia case inesgotable ao continuo movemento e os soños do día a día. Parabéns tamén aos equipos de Zinquin e a  Esmerarte.

 

[kml_flashembed movie="http://www.youtube.com/v/Z51joi4TzR8" width="425" height="350" wmode="transparent" /]

Chuzame! A Facebook A Twitter
Na categoría Música, Video | Coas etiquetas , , | 3 Comentarios