Category Archives: Promoción da lectura

Taboleiro do libro galego (II)

Enviado o 2 Febreiro 2013

Nesta segunda entrega do taboleiro do libro galego non se observan grandes mudanzas respecto dos títulos que maior aceptación tiveron nas librarías galegas consultadas a anterior semana, ás que desde agora se suma tamén a libraría Andel. Por este motivo a periodicidade da sección pasará  a ter, desde agora, un carácter quincenal. Grazas, de novo, a todas as librarías colaboradoras polo seu entusiasmo neste proxecto.

      Velaquí, así pois, os resultados desta última semana.

        

NARRATIVA 

1º-. As voces baixas, de Manuel Rivas, Edicións Xerais de Galicia.

2º-. A noite branca, de F. X. Fernández Naval, Edicións Xerais de Galicia.

3º-. Viagem ao Curdistán para apanhar estrelas, de Sechu Sende, autoedición.

4º-. Podería falar de nubes, de Francisco Castiñeira, Redelibros.

5º-. O mundo secreto de Basilius Hoffman: un faro na escuridade, de Fernando M. Cimadevila, Urco Editora.

POESÍA

1º-. Emily on the road, de Ramón Blanco, Acha Escrava.

2º-. Monicreques, de Xosé Costas Currás, Pen Club.

3º-.  Breizh, de Miro Villar, Toxosoutos.

4º-. O meu primeiro Celso Emilio, X. Lastra e outros, Edicións Xerais.

5º-. Esplendor arcano, de Ramiro Torres, Grupo Surrealista Galego.

ENSAIO-TEATRO

1º-.  AGE. A Emerxencia da Alternativa Galega de Esquerda, de Manuel Darriba e Daniel Salgado, 2.0 Editora.

2º-. Banqueiros, de Francisco Pillado Maior (coord.), Laiovento.

3º-. Dez obras na vida de Roberto Vidal Bolaño, de Camilo Franco, Biblos.

4º-. O labirinto da saudade, de Luís G. Soto, Laiovento.

5º-. Falemos de ourensanía, de  J. M. Baltar, Auga Editora.

INFANTIL-XUVENIL

1º-.  Dragal III, de Helena Gallego, Xerais.

2º-. Malos tempos para os fantasmas, de Agustín Fernández Paz, Xerais.

3º-. Cidades, de Fran Alonso, Edicións Xerais.

ÁLBUM ILUSTRADO

1º-.  María Fumaça, de VV.AA., Galaxia.

2º-. Bicos de música, de Mamá Cabra, Galaxia.

3º-. O soño de Matías, de Leo Lioni, Kalandraka.

BANDA DESEÑADA

1º-. Ardalén, de Miguelanxo Prado, El Patito Editorial.

2º-. Cousas de mortos, Manel Cráneo, Demo Editorial.

3º-. Cartas de inverno. Novela gráfica, de Antonio Seijas e Agustín Fernández Paz, Edicións Xerais.

Chuzame! A Facebook A Twitter
Na categoría Literatura galega, Promoción da lectura | Coas etiquetas , | 3 Comentarios

Booktrailer de Dragal, a triloxía de Elena Gallego

Enviado o 18 Xuño 2012

Excelente e coidadísimo booktrailer da triloxía do dragón de Elena Gallego: sen dúbida ao mesmo nivel doutras producións internacionais. Parabéns á autora do libros, ao guión e á realización de Miguel Abad e mais a Edicións Xerais.

Chuzame! A Facebook A Twitter
Na categoría Promoción da lectura, Video | Coas etiquetas , , , | Leave a comment

Ler non é clandestino: vídeo para a promoción da lectura

Enviado o 15 Xuño 2012

A miña amiga Gracia Santórum faime chegar este magnífico vídeo para promocionar a lectura que preparou, xunto con Anxo Fernández, como despedida dun traballo fundamental que levou a cabo na comunidade educativa do IES Chano Piñeiro en Forcarei e que converteu nun auténtico exemplo de dinamización lectora. Recomendo expresamente a lectura do apuntamento que acompaña a este vídeo, do que extraio estas palabras que subscribo enteiramente:

       «Cremos na lectura como solución. Cremos na lectura como viaxe, como multiplicación, como evasión, como interese, como sabedoría. Cremos na lectura como universo. Como o don da racionalidade, da fantasía, da grandeza, do horizonte sen fin.

       Cremos na lectura como CULTURA. E sobre todo cremos na lectura no noso idioma, na nosa lingua. Porque só defendendo ambas cousas, LINGUA E CULTURA o noso país terá futuro de seu».

        Parabéns por este traballo e parabéns pola túa traxectoria na defensa e nos valores da lectura, Gracia.

Chuzame! A Facebook A Twitter
Na categoría Divulgación, Promoción da lectura | Coas etiquetas , , | Leave a comment

Campaña de RIF para a promoción da lectura

Enviado o 2 Xuño 2012

Vía blogtailors chego á información dunha campaña publicitaria en defensa do libro e da lectura da xente máis nova, en especial a máis desatendida, a través da asociación estadounidense sen ánimo de lucro »Reading is Fundamental» (RIF), que leva traballando desde os anos sesenta nos devanditos ámbitos. A canción que acompaña ás imaxes -todas elas facendo referencia a algúns clásicos da literatura infantil e xuvenil- producírona The Roots e conta coa colaboración de Black, Chris Martin, John Legend, Regina Spektor, Jim James, Nate Ruess, Jason Schwartzman, Melanie Fiona, Carrie Brownstein e Consequence.

Chuzame! A Facebook A Twitter
Na categoría Promoción da lectura, Video | Coas etiquetas , , | Leave a comment