Tag Archives: La Voz de Galicia

Humberto Eco á busca de lectores

Enviado o 5 Outubro 2011

Camilo Franco subscribe nas páxinas culturais de La Voz de hoxe unha reportaxe sobre a decisión de Humberto Eco de «refacer» o seu célebre O nome da rosa e editar unha versión light, segundo o autor, acorde aos novos tempos.

   Deixo aquí o enlace da reportaxe, no que o xornalista ourensán inquire a opinión de varias persoas entre as que me encontro, ademais de incluír dous  artigos de opinión.
O asunto creo que é de suma relevancia pois pode ser tanto a punta dun iceberg que se move devagariño e inflexiblemente cara a nós ou, simplemente, unha decisión, libérrima, tomada en aras doutros intereses.

Chuzame! A Facebook A Twitter
Na categoría Crítica literaria, Crónica, Novidades editoriais, Opinión | Coas etiquetas , , , | Leave a comment

Entrevista en La Voz de Galicia

Enviado o 8 Maio 2011

 

O xornalista e escritor Xesús Fraga realizoume unha  entrevista por mor da concesión do premio da AELG que tiven a sorte de recibir hai agora unha semana. Nela falamos sobre o galardón,  a miña presenza no suplemento «Culturas», a crítica e outros asuntos. Vaia a miña gratitude desde aquí.

Chuzame! A Facebook A Twitter
Na categoría Entrevistas | Coas etiquetas , , , , | Leave a comment

O fío da escritura, de David González Couso

Enviado o 6 Febreiro 2011

O fío da escritura. A pegada cultural dos Gaite en Galicia

David González Couso

Toxosoutos, colec. Ensaio, Noia, 2010, 276 páxs., 12 €

 

 

Carmen Martín Gaite manifestou en diversas ocasións a relevancia que para ela supuxo a descuberta de Galicia: unha paisaxe vital, familiar e íntima que espellou algunhas veces na súa obra literaria. Outra cousa era, ata o de agora, o coñecemento que se tiña da estirpe intelectual dos seus devanceiros galegos e da actividade cultural que despregaron aquí. Disto fala con tino González Couso, desvelando con rigor novos datos e, ademais, engadindo tres reproducións facsimilares que recuperan ensaios do século XIX sobre  diversos temas, todos eles  subscritos polos aqueles antepasados que afondaron, no seu tempo, en ramas do noso saber científico, histórico e literario. Ben está deixar constancia diso.

 

Recensión publicada na sección «recomendacións» de La Voz de Galicia, o 5 de febreiro de 2011. O libro está prologado por Claudio Rodríguez Fer.

Chuzame! A Facebook A Twitter
Na categoría Ensaio | Coas etiquetas , , , , | Leave a comment