Tag Archives: María Solar

María Solar

Vou ter un irmán (ilustracións de Xosé Tomás)

Galaxia, col. Árbore, Vigo, 2011, 28 páxinas, 15 € 

Había xa algún tempo que non me ocupaba nesta bitácora dalgún libro dedicado aos primeiros lectores; volumes que, alén de resultaren  moi do meu gusto, advirto que sofren unha atención nos medios cada vez máis escasa  que os deixan sen gozar da visibilidade que merecerían.  

      E nesta ocasión dou con Vou ter un irmán!!! cun libro de María Solar, ilustrado co atractivo, marcadamente colorista e irónico estilo de Xosé Tomás. Nel asúmese a perspectiva  narrativa dunha nena que, loxicamente, terá axiña un irmán. O relato avanza desde progresivamente desde que a pequena advirte que algo extraordinario vai ocorrer, pasando polas tarefas habituais que a chegada dun novo ser esixe, ata que o irmán se incorpora á realidade cotiá. Solar é quen de levar ao lector adulto, de certo que tamén aos máis novos e novas, polos vieiros da esmagadora lóxica infantil, no que non faltan refoladas de corte irónico e case humorístico. Con todo, se con algo teño que quedar sería tanto co verniz divulgativo que encerra como con esa tonalidade positiva, vitalista e esperanzadora que desprende a súa lectura, irradiando un contaxio optimista, abofé, que é ben de agradecer.

Velaquí o booktrailer do libro:

[kml_flashembed movie="http://www.youtube.com/v/y6D4faERgD4" width="425" height="350" wmode="transparent" /]